මාව කියවන අය අතර..

03 September 2012

ලියෝ ටෝල්ස්ටොයි - Leo Tolstoy


ලෝකයේ ශ්‍රේෂ්ඨතම නව කතාව වන War and Peace (යුද්ධය හා සාමය ) , Anna Karenina (ඇනා කැරලිනා ) The Death of Ivan Ilyich, The Kingdom of God Is Within You, Family Happiness වැනි පොත් කියවන කල හදවතට දැනෙන්නාවූ දේ ගැන අමුතුවෙන් කිවයුතු නොවේ.එතරම්ම හදවත් තුලට ඇතුළු වූ ශ්‍රේෂ්ඨ පොත් පත් ගනනාවක් ලියූ මහා ගත් කතුවරයා ලියෝ ටෝල්ස්ටොයි.... මේ සාහිත්‍යය මාසයේ ඔහු ගේ ජීවිතයෙන් බිඳකි

1828 අගෝස්තු මස 28 දා රුසියාවේ " යස්නයා - පොල්යානා හී ලියෝ ටෝල්ස්ටොයි උපත ලබන ලද්දේ විශාල ධන සම්භාරයකට උරුමකම් ඇතිවයි. නිකොලායි ටෝල්ස්ටොයි සිටුවරයා ඔහුගේ පියා වූ අතර මව මාර්තා වොල්කොන්ස්කා කුමරියයි.

ලියෝ ටෝල්ස්ටොයි කුඩා කල පටන් ඉගෙනුමට අතී දක්ෂයෙක් නොවීය. පෞද්ගලිකව ගුරුවරුන්ගෙන් උගෙන ගත් ලියෝ පසුව කාසාස් හී සහ පීටර්ස් බර්ග් සරසවි වලින්ද අධ්‍යාපනය ලැබීය.එහෙත් ඔහුට උපාධිය ලබා ගත නොහැකි විය. ඔහු ගැඹුරු අධ්‍යාපනයක් ලැබූවේ ජීවන අත්දැකීම් තුලිනි. උපතිම්ම මහා ධනයකට උරුම කම් කියන්නෙකු වුවද, ලියෝ කිසිවිටකත් ධනය උසස් කොට නොතැකූහ. ඔහුගේ මුළු ජීවිත කාලයම කැප කලේ සාහිත්‍යය වෙනුවෙනි.


                                               තරුණ ලියෝ ටෝල්ස්ටොයි

විශ්ව විද්‍යාල අධ්‍යාපණයෙන් ප්‍රමෝදයට පත් නොවූ ලියෝ ටෝල්ස්ටොයි දෙවන වසරේදී විශ්ව විද්‍යාල අධ්‍යාපණයෙන් බැහැර විය. ඒ අවස්ථාව වන විටද ඔහු තුල අධ්‍යාපනයට දක්ෂ කමක් නොවීය. මොස්කව් නගරයට පැමිණි ලියෝ නව ජීවිතයක් ආරම්භ කලේය. ධනවත් ...කුලවත් තරුණයින් ගත කරන නිදහස් ජීවිතයක් ගත කලේය. කා බී විනෝද උන අතර තරුණියන් සමඟ රැඟුම් හල්වලට ගොස් ධනය විනාශ කලේය. අන්තිමේදී බංකොලොත් භාවයට පත් විය. මෙය ලියෝගේ ජීවිතයේ වඩාත්ම පසුබෑමකට පත් වූ කාලයයි.

තමාට අවශ්‍ය මුදල් ලබා ගැනීමට ක්‍රමයක් නැති කමින් අසරණ වූ ලියෝ මොස්කව් නගරයෙන් පැනගොස් කෝකස් වෙත පැමිණ යුද හමුදාවට බැඳුනේය.හිමෙන් වැසුණු, අයිස් මිදුණු කඳු මුදුන්වල බියකරු අත්දැකීම් වලට මූණ දුන්නේය. බොහෝ කරදර විඳිමින් අවුරුදු දෙකක පමණ කාලයක් ගත කල ලියෝ තම අත්දැකීම පසුබිම් කොට ගෙන තම ප්‍රථම ග්‍රන්ථය ලෝකයට එළි දැක්වීය. 

මේ කාලය වන විට ක්‍රිමියන් යුද්ධය ආරම්භ වී තිබිණි. ත්‍රාසය සොයමින් සිටි ලියෝ මේ යුද්ධයේදී සිලස්ට්‍රා නැමති තූර්කි බළකොටුවට පහර දෙන්නට ප්‍රධානියා වශයෙන් කටයුතු කලේය. යුද බිමෙහි රැදී සිටි ඔහුට යුද්ධයක නියම තත්වය අත්දැකීමට හැකි විය. වෙඩි හඬ...ලේ ගංගා... මරණ බිය...වේදනාත්මක කෑ ගැසීම් යන තම අත්දැකීම අළලා War and Peace (යුද්ධය හා සාමය ) කෘතිය ඔහු අතින් ලියවිණි. අන්තිමේදී ලියෝ " යුද්ධය " කියන වචනය පවා පිළිකුල් කලේය.ලෝකයේ ශ්‍රේෂ්ඨතම  නව කතාව වන War and Peace (යුද්ධය හා සාමය ) ලිවීමෙන් ලියෝ මහා පෙරළියක් කලේය. මානව සාහිත්‍යය වංශයෙන් අවිවාදයෙන්ම සළකනු ලබන මෙම නවකතාවෙහි චරිත 500කට අධික ප්‍රමාණයක් අඩංගුය. War and Peace (යුද්ධය හා සාමය ) ට පසුබිම් වන්නේ නැපෝලියන්ගේ යුද්ධ ව්‍යාපාරයයි. War and Peace (යුද්ධය හා සාමය ) සත්තකින්ම සියළු ප්‍රබන්ධ කතා අතරින් ශ්‍රේෂ්ඨතම කෘතියයි.මෙම නවකතාව ඔහුගේ බිරිඳ අතින් හතර වරක් සංස්කරණය වී පසුව මුද්‍රණය වී තිබේ.

යුද හමුදාවෙන් ඉවත් වී තමන් උපන් ගමේ වැසියන්ට සේවය කිරීමට නැවතත් ගමට පැමිණියේය. එහි විසූ ළමුන් සඳහා පාසැල් ආරම්භ කෙරිණ. සමාජ සේවයෙහි යෙදුනේය. එහෙත් ඒ කිසිම දෙයකින් ඔහු බලාපොරොත්තු වූ සතුට ලබා ගැනිමට නොහැකි විය. ඊට හේතුව වශයෙන් ඔහු දැක්කේ තමා කුළවත් පවුලක ඉපදීම නිසා සාමාන්‍ය ජනතාව ඔහු කෙරෙහි විශ්වාසයක් නොවීමයි. දිළිඳුකම මාතෘකා කරගෙන ඔහු ග්‍රන්ථ ගනණාවක් ලියා ප්‍රකාශයට පත් කලේය. නමුත් ඔහු බලාපොරොත්තු වූ ප්‍රථිචාරය නොලැබිණි.

කළකිරීමට පත් වූ ලියෝ නැවතත් මොස්කව් නගරයට ගොස් සල්ලාල ජීවිතයක් ගත කලේය. ඒ අතරතුර ලියෝට ඔහුගේ පෙම්වතිය මුණ ගැසිණි. ඒ වන විට ලියෝගේ වයස අවුරුදු 34 ක් වූ අතර ඇයට අවුරුදු 18 ක් විය. ඇය සොෆියා ඇන්ඩ්රිව්නා . ඔහු ඇයව තම බිරිඳ කරගෙන එකට ජීවත් විය. ඇයද බෙහෙවින්ම තැම්පත් ජීවිතයකට ලැදිව හුන් බිරිඳකි.
                                        ලියෝ ටෝල්ස්ටොයි ගේ බිරිඳ සොෆියා

Anna Karenina (ඇනා කැරලිනා ) ඔහු අතින් ලියවුණු තවත් ශ්‍රේෂ්ඨ කෘතියකි. Anna Karenina (ඇනා කැරලිනා ) කෙතරම් ප්‍රසිද්ධියට පත් වූවාද කියතහොත් එනිසාම ලියෝට රුසියාවේ ග්‍රන්ථ කතෘ මණඩලයේ සභාපතිකමද හිමි විය.



War and Peace (යුද්ධය හා සාමය ) හා Anna Karenina (ඇනා කැරලිනා ) කෘතීන් ප්‍රසිද්ධ වීම නිසාම  ප්‍රසිද්ධිය ද මිල මුදල් ගලා එන්නට විය. නමුද ඒ කිසිදු දෙයකින් ලියෝ බලාපොරොත්තු වූ සතුට ඔහුට ලැබුනේ නැත.

මේ කාලය වන විට රුසියාවේ ආගම දඩමීමා කරගෙන ආගමීක නායකයින්ට විරුද්ධව සටනක් ඇරඹී තිබුනේය. ඉන්දියාවේ මහත්මා ගාන්ධි ලියෝගේ හිතවතෙකි.ආගම දහමට ලැදිව බොහෝසේ තැම්පත් ජීවිතයක් ගත කල ලියෝගේ දිවි පෙවත ඉතාමත් සරළ විය.

නමුත් ඔහුගේ බිරිඳ සොෆියා ඊට ප්‍රථිවිරුද්ධ ජීවිතයක් බලාපොරොත්තුව ලෞකීක සැප සම්පත් බලාපොරොත්තු විය. ටිකෙන් ටික දෙන්න දෙමහල්ලන් අතර හැලහැප්පීම් එන්නට විය. පවුල් ජීවිතය දෙදරා ගියේය. දිනක් ඔහු ගෙදරින් පිටව ගියේය.ඔහු ලඟින් උන්නේ ඔහුගේ දියණියත් වෙදදුරත් පමණි.
                           ලියෝ ටෝල්ස්ටොයි ගේ නිවස කෞතුකාගාරයක් ලෙස අද

අන්තිමේදී ඔහුගේ ජීවිතය බේරා ගැනීමට කිසිවෙකුටත් හැකියාවක් ලැබුනේ නැත. නිව්මෝනියාවෙන් පීඩා වින්ද ඔහු 1910 නොවැම්බර් මස 7 දා මෙළොවින් සඳහටම සමුගත්තේය.

මේ වනවිට සෝවියට් සමූහාණ්ඩුව ලියෝගේ කෘතීන් 90ක් අඩංගු විශාල ග්‍රන්ථයක් නිකුත් කොට තිබේ. තවද ඔහුගේ කෘතීන් භාෂා 83 කට පරිවර්ථනය කොට ඇත.


ලියෝ ටෝල්ස්ටොයි ගැන මෙතැනින් කියවන්න

මේ ලියෝ ටෝල්ස්ටොයි ලියූ කෘතීන්ගෙන් කීපයක්


Resurrection
A Confession
What Is Art?
Where Love Is, There God Is Also
God Sees the Truth, but waits
Master and Man
Little Girl Wiser Than Man
How Much Land Does a Man Need
A Letter to Hindu
War and Peace
Anna Karenina 

24 comments:

  1. මේ ලෝකයේ අසුන්දර ගැහැණුන් කියා කොටසක් නැත. ඇත්තේ ලස්සන වීමට නොදත් ගැහැණුන් පමණි- ලියෝ ටෝල්ස්ටෝයි

    ReplyDelete
  2. යුද්ධය හා සාමය නම් කියවන්න බැරි උනා.. ඒත් ඇනා කැරලිනා නම් කියවලා තියෙනවා.. මාරම ලස්සනයි...

    ReplyDelete
    Replies
    1. යුද්දය හා සාමය කියන්නෙ පොත් කට්ටලයක්. රුසියානු පොත් ලාමක නැති නිසා කියවන්න ටිකක් කම්මැලියි. ඒත් අති විශිෂ්ඨ පොතක්. ලැබුනොත් අනිවා කියවලා බලන්න

      Delete
  3. වැදගත් කරුණු ටිකක් .යුද්දය හා සාමය පොතනම් සිරා. ඒකෙ පොත් කට්ටලයක්ම තියෙන නිසා ලේසියෙන් කියවන්න බැරි උනත් පොත්වලට ආස අයට හොඳම හොඳ පොතක්.Leo Tolstoy ගෙන් උපදෙස් ගත්තලු ගෝර්කි,චෙකෝව් වගෙ අයත්.
    ශෙශාන්

    ReplyDelete
    Replies
    1. මම නම් ආසාවෙන් කියෙව්වේ ඇනා කැරනිනා පොතයි A Confession කියන පොතයි. ස්තුතියි මේ පැත්තට ආවට ශෙශාන්

      Delete
  4. ලියෝ ටෝල්ස්ටෝයි....
    නමින් පමණක් දැන සිටි මහා මිනිසෙකු පිළිබඳ සරලව හා කෙටියෙන් ලියූ වටිනා සටහනක්. එමෙන්ම කියවන්න හොඳ පොත් ටිකකට අදහසක් ලැබුනා සාහිත්‍ය මාසය වෙනුවෙන්. ස්තූතියි මෙ ්සටහනට.

    ReplyDelete
    Replies
    1. ඔයාටත් ස්තුතියි ප්‍රියන්ත ලිපිය අගය කලාට

      Delete
  5. අපූරු ලිපියක්! මොකෝ මේ ගොක්කොල එල්ලලා :) :)

    ReplyDelete
    Replies
    1. මේ දවස්වල හීනෙන් පේන්නෙ ගොක් කොළ...යන්න ලංවෙලාද කොහෙද හි හි හි

      Delete
  6. ලියෝ ටෝයිස්ටෝල්ගේ පොත්වලින් ඇනා කැරනිනා විතරමයි කියොලා තියෙන්නේ...
    අර කිව්වත් වගෙරි මොකෑ ගොක්කොල එල්ලලා. බලි තොවිල් එහෙම කරන්ඩ හිතන් ඉන්නවද...
    එහෙමත් නැත්නම් හොරෙක් අල්ලන්ඩවත් ඉන්නවද

    ReplyDelete
    Replies
    1. A confession කියන පොතත් හරිම ලස්සනයි. ඒ වගේම යුද්දය හා සාමය..ඒක නම් අති විශ්ෂ්ඨයි...ගොක් කොළ කතාවටනම් ඉතින් දෙන්න තියෙන්නෙ හිරූට දුන්න උත්තරයම තමා..මේ දවස්වල හීනෙන් පේන්නෙ ඕවා..:P

      Delete
  7. එකම පොත 7වතාවක් පිටපත් කළ ලේඛකයා..

    විජය පත්තරෙන් ඔය මාතෘකාවෙන් මම කියෙව්වා සුට්ටං කාලේ.

    ජය !

    ReplyDelete
    Replies
    1. මාත් සුට්ටන් කාලේ ඇනා කැරනිනා පොත හම්බ උනාම හිතුනේ " අයියෝ මහ බෝරින් පොතක්නේ " කියලා. පොත හරියට තේරුම් ගත්තේ සෑහෙන කාලෙකට පස්සේ

      Delete
  8. යුද්ධය හා සාමය ,ඇනා කැරලිනා පොත් දෙක ගොඩාක් කාලෙකට කලින් කියවලා තියනවා... ලියෝ ටෝල්ස්ටොයි ගැන ලියපු වටිනා සටහනක්... ආ.. දැන්නේ දැක්කේ ගොක්කොළ එල්ලලා.. ඒ මොකද හීනෙන් ගොක්කොළ පේනවාය කියන්නේ...?

    ReplyDelete
  9. ගොක් කොල ගැන නම් අර කලින් හිරූට දුන්න උත්තරය තමා දෙන්න වෙන්නේ. මේ දවස්වල හීනෙන් පේන්නෙම ඒවා..කාලය හරිද කොහෙද..හි හි

    ReplyDelete
  10. මම එතුමාගේ කතා මුලින්ම දැක්කේ පාසැල් පෙලපොත් වලින්.ඊට අමතර පුස්ථකාලෙදි වරක් දෙවරක් කියවලා ඇති. අපි ඉතින් කතන්දර හදනවා මිස, කියවන කට්ටිය නෙවෙයි නෙව. ජය...!

    ReplyDelete
    Replies
    1. තේරුම් ගැනීමට තරමක් අමාරු පොත් තමයි වැඩිපුරම තියෙන්නේ. ඔය ලියන කට්ටිය කියවන එක අඩුයි කියලා නම් මම අහලා තියෙනවා. එතකොට එයාලා ලියන ඒවා කියවන අපි ඔටුවො වෙන්න ඕනෙ...හි හි හි

      Delete
  11. හරිම වැදගත් ලිපියක් ලිහිණි. "මහා පුරුෂයෙකුට බිරිඳක් ව" කියන පොත ලියලා තියෙන්නේ මොහුගේ බිරිඳ ගැන නේද? හැබැයි ඒ පොත කියෙව්වොත් ඔහුගේ බිරිඳ ගැන මෙහි ලියලා තියනවට වඩා වෙනස් විදියකට හිතන්න පුළුවන් වෙයි.

    ලියෝ කියන්නේ කිසිම දිනක හොඳ ස්වාමියෙක්ව හිටපු කෙනෙක් නෙමෙයි. ඔහුගේ මහලු කාලයේදී, තරුණ බිරිඳත්, විශාල දරුවන් ගණනත් නඩත්තු කරන්න කිසිම වත්කමක් ඇයට දීලා නැහැ. ඒ වෙනුවට වෙනත් සමාජ සේවා වලටත් මිතුරන්ටත් වියදම් කළා ලු. හැල හැප්පීම් පටන් අරගෙන තියෙන්නේ මේ නිසා. අන්තිමේ ඔහු දුම්රිය ස්ථානයක මැරෙන මොහොතේ බිරිඳ එතනට ගියත් ඇයට ඔහුව බලන්න ඉඩ දීලා නැහැ (මට මතක විදියට ඔහු මැරුණු වෙලාවේ දුම්රිය ස්ථානයේ ඔරලෝසුවේ වෙලාව නතර කළා ලු. අදත් ඒක ඒ විදියටම තියනවලු). නොවිඳිනා දුක් විඳපු ගැහැනියක් තමයි ඔහුගේ බිරිඳ.

    ReplyDelete
    Replies
    1. ලියෝ හුඟාක්ම කලකිරීමට පත්වෙලා තියෙන්නෙ ඔහුගේ පිරිමි දරුවන් දෙදෙනා මිය ගියාට පසුවලු. එතකොට ලියෝගෙ වයස අවුරුදු 40 ක්. ඒ ගමන්ම ඔහු වැඩියෙන්ම ආදරය කරපු නැන්දනියත් මිය ගිහින්... ලියෝ සතුට පස්සේ හබා ගිය කෙනෙක්ලු. ඒත් ඒ සතුට කවදාවත්ම ඔහුට ලැබිලා නෑ.

      ලියෝගේ බිරිඳ බොහෝම හොඳ චරිතයක් ලෙසින් මුල් පොත්වල සටහන් කලත් අවසානයේ සටහන් වෙන්නේ ඇය ලෞකීක ජීවිතයට බෙහෙවින්ම ඇලුම් කල කෙනෙක් විදියට.

      ඔය දුම්රිය ස්ථානයේදී ඔහුට නිව්මෝනියාව හැදී තිබෙද්දී ඔහුගේ බිරිඳ ලියෝ බලන්න ඇවිත් තිබුන කතාව ඇත්තලු. අවසරය නොදී තිබෙන්නේ ඇයි කියන්න නම් සටහනක් නෑ.

      බොහෝම ස්තුතියි සයුරි අලුතින් යමක් එක්කලාට

      Delete
  12. වටිනා කියන ලිපියක්!!! අද තමා ලියෝ ටෝල්ස්ටෝයි ගැන හරියටම විස්තර දැනගත්තෙ... ඒත්, මම ඔය පොත් අහලා තිබ්බාට කියවලා නෑනෙ...:(

    ReplyDelete
    Replies
    1. මේ වගේ පොත් අපි කියවන්න ඕනෙ හිතුවක්කාරී.බොළඳ නවකතාවලට වඩා ගත යුත්තක් මේ පොත් පත්වල තියෙනවා

      Delete
  13. අමතක නොවන චරිතයක් ...

    ReplyDelete

ස්තුතියි ළිහිණි ගේ ජීවිතය කියවනවට......ළිහිණි වටේ රැඳෙන ඔයාලා.....පෝස්ටුව කියවලා හිතෙන දෙයක් ලියලා ගියොත්..ඒක ළිහිණිට ලොකු හයියක් වේවී..ඇත්තමයි......

Note: Only a member of this blog may post a comment.